Ana səhifə Planet |
Ermənistan Prezidenti Armen Sərkisyan ölkənin ilk prezidenti Levon Ter-Petrosyanın 20 il öncə verdiyi proqnozun doğruluğunu etiraf etməli olub.
Axar.az xəbər verir ki, Sərkisyan bu etirafını RT kanalına müsahibəsində deyib. Belə ki, ölkəsinin Bakı-Tiflis-Ceyhan kəmərinə qarşı təhdidi ilə bağlı sualı cavablandıran Sərkisyan İrəvanın buranı vura bilməyəcəyini dilə gətirib:
“Əgər ermənilər istəsəydilər, bunu 20 il əvvəl edərdilər. Bir neçə artilleriya zərbəsi və o, mövcud olmazdı. Ermənilər buna gedə bilməz”.
Onun sözlərinə görə, Bakı boru kəməri tikib, neft-qaz satıb, milyardlarla dollar qazanıb, bu pulla silah alıb, Qarağda vəziyyəti dəyişməyə başladı.
Qeyd edək ki, məhz Ter-Petrosyan 1997-ci ildə Ermənistanın Qarabağ məsələsində kompromisə getməsi gərəkdiyini, əks təqdirdə 20 il sonra bu şərtləri yalvarsa da, Bakının ona verməyəcəyini bildirmişdi.
Tarix
2020.10.13 / 13:48
|
Müəllif
İlkin Həsənov
|