"İran Nabucco layihəsinə qayıtmaq imkanlarını nəzərdən keçirir".

Axar.az xəbər verir ki, bu barədə informasiyanı Bolqarıstanın "Presa" qəzeti yayıb.

Qəzetin məlumatına görə, İran artıq Bolqarıstana öz təkliflərini təqdim edib:

"Bununla bağlı Bolqarıstanın Baş naziri Boyko Borisovla İranın Sofiyadakı səfiri Abdulla Naurozi arasında aprelin 26-də bu mövzuda görüş keçirilmişdi. Bağlı qapılar arxasında keçirilən bu görüşdə Bolqarıstan Baş nazirinin müavini Tomisla Donçev, Bolqarıstanın Xarici İşlər naziri Daniel Mitov və Energetika naziri Temenujka Petkova da iştirak edib. Görüş zamanı səfir İran tərəfinin Bolqarıstanla yeni əməkdaşlıqla bağlı xüsusi təklifini baş nazirə təqdim edib. Təkliflər içərisində İran qazının Avropa ölkələrinə çatdırılması ilə bağlı məsələ də yer alıb".

Qeyd edək ki, bir müddət öncə Azərbaycan Prezidenti İlham Əliyev Bolqarıstana səfəri zamanı Baş nazir Boyko Borisov Nabucco layihəsini bərpa etmək istəyini açıqlamışdı.