Noyabrın əvvəlində Yer kürəsinə asteroidin düşmə ehtimalı var.

Axar.az xəbər verir ki, bu barədə ABŞ astrofiziki Nil Deqrass Tayson bildirib.

O qeyd edib ki, hadisənin noyabrın 2-də baş verəcəyi gözlənilir:

"Soyuducu ölçüsündə olan kosmik daş 2018VP1 asteroidi saatda 25 min mildən (40 min km) çox sürətlə bizə tərəf yaxınlaşır. O, noyabrın 2-də Yer kürəsinə düşə bilər", - alim özünün İnstaqram-dakı hesabında yazıb.

Tayson qeyd edib ki, asteroid Yer kürəsinə ziyan vuracaq qədər böyük ölçüdə deyil.

Qeyd edək ki, asteroidin Yerin atmosferinə daxil olma ehtimalı 240-ın 1-ə və yaxud 0,41 faizdir.