Çeçenistan lideri Ramzan Kadırov dəfələrlə Rusiya Prezidenti Vladimir Putindən onu vəzifəsindən azad etməyi xahiş etdiyini açıqlayıb.

APA-nın Moskva müxbirinin verdiyi məlumata görə, R. Kadırov "Qovorit Moskva" radiosuna müsahibəsində tutduğu vəzifədən getməyə hazır olduğunu bildirib.

"Bu vəzifədən heç vaxt yapışmamışam. Gənclər böyüyür. Bu region digərləri ilə müqayisədə federal mərkəzi daha çox dəstəkləyir. Siz fikirləşirsiz ki, mənə asandır? 20 dəfə xahiş etmişəm ki, məni vəzifəmdən azad etsinlər. Mən kreslodan yapışmamışam", - deyə Kadırov qeyd edib.