ABŞ-ın Estoniyada olan 3-cü hərbi diviziyasının tankçıları bu gün hərbi təlimlərə başlayıblar.

Axar.az xəbər verir ki, hərbi təlimlərin ilk günündə "M1A2 Abrams" tanklarından 120 millimetr topları ilə 500 metr məsafəyə 60 atış həyata keçirilib.

"Biz şadıq ki, müttəfiqimiz Estoniya ilə birlikdə təlim keçirik. Bu gün "Abrams" tanklarının alovlu gücünü nümayiş etdirmək imkanımız oldu", - bu sözləri 3-cü piyada diviziyasının komandiri Rov Aşe bildirib.

3-cü piyada diviziyasından əlavə, 173-cü hava-desant briqadasının 150 ABŞ hərbçisi də Estoniyada yerləşdirilib. Genişmiqyaslı hərbi təlimlərin keçirilməsi nəzərdə tutulur. 13 min hərbçinin iştirakı ilə hərbi təlimlərin keçiriləcəyi gözlənilir.