Ermənilər Axaltsixi (Gürcüstanın qədim Axaltsixe şəhəri - red.) şəhərini “XIX-XX əsrin əvvəlləri. İmperiya və Qafqaz. Silahlar, geyimlər, hərbi ənənələr” adlı sərgi kataloquna salıb.

Axar.az xəbər verir ki, bu barədə politoloq Əli Hacızadə sosial şəbəkədə yazıb.

Sankt-Peterburqda nəşr olunan kataloqda odlu silahlar, forma və avadanlıqlar, mükafatlar, rəsm, qrafika, fotoşəkillər, xəritələr təqdim olunub. İllüstrasiyalardan biri “Ermənistan, Axaltsix” adı ilə qeyd edilib. Bu, ermənilərin Gürcüstana qarşı ərazi iddialarının daha bir sübutudur.

Xatırladaq ki, bu yaxınlarda Ermənistanın Baş naziri Nikol Paşinyan ermənilərin Gürcüstanın Cavaxetiya bölgəsinə iddialarını açıq şəkildə ifadə etmişdi.