Ermənistan parlamentinin bugünkü iclası baş tutmayıb.

Axar.az xəbər verir ki, buna səbəb iclasın keçirilməsi üçün yetərsayın olmamasıdır. Buna görə iclasın keçirilməsi 3 saat sonraya təxirə salınıb.

İşıqlı Ermənistan fraksiyasının rəhbəri Edmon Marukyan hakim Mənim Addım Blokundan olan vitse-spiker Lena Nəzəryana müraciət edərək, iclasın baş tutmamasında hakim bloku günahlandırıb. Marukyan bildirib ki, Mənim Addım Blokunu Qarabağla bağlı deputatların ünvanlayacağı suallardan narahat olduğu üçün bu addımı atıb.