Amerika Birləşmiş Ştatları və Danimarka Rusiya Federasiyası üzərində müşahidə uçuşu həyata keçirəcək.

Axar.az xəbər verir ki, bu açıqlama ilə Nüvə Riskinin azaldılması üzrə Rusiya Milli Mərkəzinin rəhbəri Sergey Rıjkov çıxış edib.

Onun sözlərinə görə, mayın 4-dən 8-nə qədər olan tarixdə Beynəlxalq Açıq Hava müqaviləsi çərçivəsində OC-135B təyyarələri ilə Rusiya üzərində uçuşları reallaşdıracaqlar. OC-135B-nin göyərtəsində Rusiya mütəxəssisləri də olacaq.

Qeyd edək ki, bundan öncə Rusiya Federasiyası ərazisi üzərində Norveç və Amerika Birləşmiş Ştatlarının nümayəndələri müşahidə uçuşu həyata keçiriblər.