Avstriyanın bütün bölgəsində 3 noyabrdan etibarən karantin rejimi tətbiq ediləcək.

Axar.az xəbər verir ki, bu barədə Avstriya Baş naziri Sebastian Kurts məlumat verib.

O qeyd edib ki, karantin rejimi noyabrın sonuna qədər qüvvədə olacaq.

Qeyd edilən tarixdən etibarən restoranlar, barlar və kafelər fəaliyyətini dayandıracaq. Yalnız yemək çatdırılması xidməti işləyəcək.

Gecə saat 20:00-dan səhər saat 06:00-a qədər yalnız beş halda çölə çıxmaq mümkün olacaq: təcili iş, ehtiyacı olan insanlara kömək, gəzmək, ərzaq almaq üçün və həyati təhlükə yarandıqda.