Fransanın Lion şəhərində Pravoslav kilsəsində din adamına edilən hücumu şiddətlə qınayırıq.

Axar.az xəbər verir ki, bu barədə Türkiyə Xarici İşlər Nazirliyi məlumat yayıb.

“Terrorun hər növü ilə illərdir mübarizə aparan ölkə olaraq Fransa xalqına və burada yaşayan pravoslav cəmiyyətinə keçmiş olsun diləklərimizi çatdırırıq. Terrorizmə qarşı Fransa ilə həmrəy olduğumuzu bir daha xatırladırıq”, - məlumatda bildirilib.

Qeyd edək ki, Lionda kilsəyə hücum edilib. Cinayətkar ov tüfəngi ilə keşişi vuraraq qaçıb. Ağır yaralanan keşiş təcili olaraq xəstəxanaya çatdırılıb.