ABŞ Hərbi-Dəniz Qüvvələrinə məxsus "Ross" gəmisi 21 mayda Qara dəniz sularına daxil olacaq.

Axar.az xəbər verir ki, hal-hazırda regionda NATO-ya məxsus heç bir gəmi yoxdur.

Ukraynada vəziyyətin kəskinləşməsindən sonra NATO bilavasitə dənizdə fəaliyyətinin aktivləşməsi haqqında qərar qəbul etmişdi. Bu ilin mart ayında Qara dənizə ittifaqın 6 hərbi gəmisi daxil olmuşdu. Ancaq onlar da 21 gün sonra geri qayıtmaq məcburiyyətində qalmışdı. Belə ki, 1936-cı ildə imzalanmış boğazların statusu haqqında Montre Konvensiyasına əsasən, Qara dənizə çıxışa malik olmayan ölkələrin hərbi gəmiləri bu sularda 21 gündən artıq qala bilməz.