"Ukrayna Dağlıq Qarabağdakı seçkiləri Kiyevlə Bakı həmdərd olduqlarına görə tanımadı".

Axar.az xəbər verir ki, bu açıqlama ilə ukraynalı politoloq Sergey Slobodçuk çıxış edib.

Onun sözlərinə görə, Qarabağdakı qanunsuz seçkilər faktiki olan Donbasın Ukraynadan ayrılması ssenarisinin təkrarlanmasıdır:

"Situasiyanın özü Ukraynanın digər qondarma respublikalara qarşı sərt mövqe tutmasına səbəb olur. Ukrayna hakimiyyəti heç vaxt nə Dağlıq Qarabağ adında respublikanı, nə də ki onun daxilində keçirilən seçkiləri tanımayıb. Ona görə də Kiyevin bu dəfə də belə addım atması təəccüblü deyil. 2014-2015-ci ildə baş verən hadisələr də buna yeni rəng qatdı. Məhz buna görə də hərdən belə qiymətləndirmələr də olur ki, Ukrayna 1993-cü ilin Azərbaycanıdır. Həmin zamanlar Azərbaycanla Ermənistan arasından kəskin döyüşlər baş vermişdi".

Qeyd edək ki, bir müddət öncə Ukrayna qondarma "Dağlıq Qarabağ Respublikası"ndakı seçkiləri tanımadığını bəyan etmişdi.