Cozef Bayden dövlət katibi postuna irəli sürəcəyi namizədin adını müəyyən edib.

Axar.az xəbər verir ki, bu məlumatı “Hill” qəzeti öz mənbələrinə istinadən yayıb. Qəzet namizədin adının gələn həftə açıqlanacağını deyib. Baydenin bu vəzifədə Toni Blinkeni görmək istədiyi qeyd edilib.

Blinken ABŞ dövlət katibinin birinci müavini və prezidentin milli təhlükəsizlik üzrə müşavirinin müavini vəzifələrində çalışıb. O, Obama administrasiyasının Pakistan, Əfqanıstan və İran nüvə proqramı ilə bağlı siyasətini hazırlayanlardan biri olub.

Blinkin, həmçinin Rusiya Prezidenti Vladimir Putin və onun yaxın ətrafına sanksiyaların tətbiq edilməsi fikrinin əsas müəlliflərindən biridir.