Lokdaunun tətbiqinin Ukrayna iqtisadiyyatı üçün ciddi zərbə olmasına baxmayaraq, ölkədə COVİD-19-a yoluxma hallarının kəskin artması halında belə qərar verilə bilər.

Axar.az xəbər verir ki, bunu Ukrayna Prezidentinin müşaviri Oleq Ustenko Ukrayna-24-ün efirində açıqlayıb.

O, hökumət üçün ön planda əhalinin sağlamlığı məsələsinin olduğunu və bu vəziyyətdə ölkə iqtisadiyyatının arxa plana keçdiyini də əlavə edib.

Qeyd edək ki, bundan əvvəl Ukrayna Prezidenti Vladimir Zelenski Ukraynada virusla bağlı xoşagəlməz vəziyyət səbəbindən hökumətin COVİD-19 pandemiyasına qarşı mübarizə tədbirlərini gücləndirdiyini və karantin səbəbindən zərər çəkən müəssisələri dəstəkləmək üçün yeni vasitələr tətbiq etdiyini söyləyib.

Xatırladaq ki, Ukraynada son sutkada 12.287 yeni yoluxma qeydə alınıb.