İranın paytaxtı Tehranda nüvə fiziki Möhsün Fəxrizadənin öldürülməsindən sonra Milli Təhlükəsizlik Şurasının binası qarşısında toplanan tələbələr ABŞ və İsraildən intiqam çağırışı ediblər.

Axar.az xəbər verir ki, İran mediası bir qrup tələbə və bir neçə ruhaninin paytaxt Tehranda Milli Təhlükəsizlik Şurasının binası qarşısında toplaşdıqlarını əks etdirən görüntüləri yayıb.

Sui-qəsddə günahlandırılan İsrail və ABŞ-a qarşı “Sülh yox, təslim olmaq yox, ABŞ-la müharibə var”, “İsrailə ölüm” şüarları səsləndirən qrup İranın nüvə proqramının Beynəlxalq Atom Enerjisi Agentliyinin nəzarətindən tamamilə çıxarılmasını tələb ediblər.