2020.11.28. 20:49

Fransada polis şiddətinə qarşı etiraz aksiyaları yenidən başlayıb.

Axar.az xəbər verir ki, Parisdə minlərlə insan etiraz aksiyası keçirmək üçün küçələrə axışıb.

Polis etirazçı kütləyə bibər qazı ilə müdaxilə edib.

Aksiya iştirakçıları “Mətbuata azadlıq”, “Polis şiddətinə son” şüarlarını səsləndiriblər.

***

Fransada aksiyalarda ümumilikdə 130 mindən çox insan iştirak edib. Parisdə isə küçələrə 46 min etirazçı çıxıb.

Aksiya əvvəlcə sakit keçsə də, sonradan qarşıdurmalarla müşayiət olunub. Qarşıdurma zamanı 37 polis və jandarmın xəsarət aldığı bildirilib.

Aksiyaçılardan neçəsinin yaralandığı açıqlanmayıb, ancaq 46 nəfərin saxlanıldığı qeyd edilib.