Rusiyadan Azərbaycanın Qarabağ bölgəsinə qaytarılan ermənilərə növbəti humanitar yardım gətirilib. Soyuqlar başlayana qədər yerli sakinlər isti yorğan və öz evlərinin bərpası üçün tikinti materialları alıblar.

Axar.az xəbər verir ki, bu barədə Rusiya Fövqəladə Hallar Nazirliyi bildirib.

Yükdə 3 mindən çox isti yorğan var. Bununla yanaşı, Xocavəndə təxminən 8 tona yaxın tikinti materialının gətirildiyi bildirilib. Yük 6,5 ton metal profildən və 1,2 tondan çox taxtadan ibarətdir.

Qeyd edək ki, rus xilasedicilər təhsil müəssisələri də daxil olmaqla, təşkilatlara və qurumlara hərtərəfli yardım göstərirlər.