Ermənistanda Baş nazir Nikol Paşinyanın istefası tələbilə növbəti mitinq başlayıb.

Axar.az xəbər verir ki, Daşnaksütyün Partiyasının təşkil etdiyi mitinqə Artur Vanetsyanın rəhbəri olduğu Vətən və Qagik Çarukyanın Çiçəklənən Ermənistan partiyaları, eləcə də müxtəlif siyasi qrupların nümayəndələri qatılıb.

Mitinq iştirakçıları hökumət binasına doğru hərəkətləniblər.

Etirazçılar Paşinyanı torpaqları satan xəyanətkar adlandıraraq, onun istefasını tələb ediblər.

Mitinqdə 2-3 min nəfər iştirak edir.

Polis hələlik heç bir müdaxilə etməyib.