Moldova parlamenti prezident səlahiyyətlərinin azaldılması ilə bağlı qanun layihəsini qəbul edib.

Axar.az xəbər verir ki, bu barədə Moldova parlamentinin vitse-spikeri Vlad Batrınçu deyib.

Onun sözlərinə görə, qanun layihəsini 101 deputatdan 51-i dəstəkləyib.

Sənədin qəbul olunması ilə İnformasiya və Təhlükəsizlik Xidməti prezidentin səlahiyyətindən alınıb, parlamentə veriləcək.

Bundan başqa dövlət başçısı adıçəkilən xidmətə rəhbər təyin edə bilməz.

Moldovanın yeni seçilmiş prezidenti Maya Sandu qanun layihəsinin qəbulunu indiki Prezident İqor Dodonun hakimiyyəti qəsb etməsi kimi qiymətləndirib.