Almaniya Berlində qətlə yetirilən Gürcüstan vətəndaşı Zəlimxan Xanqoşvili ilə bağlı Rusiyaya sanksiya tətbiq edə bilər.

Axar.az xəbər verir ki, bu barədə Almaniyanın "Der Şpiqel" nəşri məlumat yayıb.

Nəşr qeyd edib ki, Berlin Rusiyaya yeni sanksiyalar tətbiq etməyi planlaşdırır, amma rusiyalı bloger Navalnıya görə yox:

"Hökumət dairələrindəki mənbələr Avropadakı ortaqları ilə birgə hərəkət etmək və Berlində baş verən qətl hadisələrinə görə məhkəmə qərarından öncə yeni sanksiyalar tətbiq etmək lazım olduğunu bildirir".

Alman mediası məhkəmə qərarının mart ayında verilə biləcəyini bəyan edib.

Qeyd edək ki, Z.Xanqoşvili ötən ilin avqust ayında Berlində başından vurularaq qətlə yetirilib. Şübhəli qismində Rusiya vətəndaşı Vadim Sokolov göstərilib.