ABŞ-ın yeni lideri Cozef Bayden Prezident Donald Trampa Konqresin təsdiqlədiyi COVİD-19-la bağlı iqtisadi dəstək paketini imzalaması üçün çağırış edib.

Axar.az xəbər verir ki, Bayden açıqlamasında Trampın məsuliyyətdən yayınmasının ABŞ üçün ağır nəticələri olacağını bildirib.

“Təxminən 10 milyon amerikalı işsizlik müavinəti ala bilməyəcək, orduda maaşın ödənməsində çətinlik yarana bilər. Bundan başqa, iqtisadi dəstək paketi gecikərsə, kiçik iş yerləri bağlanar və əhali sosial yardım əldə edə bilməz. Dəstək paketi kritik əhəmiyyət daşıyır və prezident tərəfindən imzalanıb qüvvəyə minməlidir”, - Bayden vurğulayıb.

Qeyd edək ki, ABŞ Konqresi pandemiyanın iqtisadi təsirlərinə qarşı 900 milyard dollarlıq dəstək paketini təsdiqləyib.