2021-ci ildə dünyanı bir çox dəyişikliklər gözləyir. Onlardan da ən önəmlisi şübhəsiz ki, Ağ Evdə hakimiyyət dəyişikliyidir.

Axar.az xəbər verir ki, bu barədə Serbiya nəşri “Peçat”da yayımlanan məqalədə deyilir.

“Co Baydenin Ağ Evdə Donald Trampın yerinə gəlməsi revanş üçün şans sayılır. Daha doğrusu, öncəki hakimiyyətin dövründə itirilmiş 4 ilin kompensasiyasıdır. Sual yaranır: Bayden beynəlxalq arenada iki ciddi rəqibi Pekin və Moskva ilə necə əlaqə quracaq?

Bəziləri ehtimal edilir ki, Bayden Trampdan fərqli olaraq, Pekinlə ciddi gərginliyə getməyəcək. Digərləri isə əmindir ki, normallaşma Bayden üçün asan olmayacaq. Belə ki, Pekinlə normallaşma yalnız çinlilər üçün sərfəlidir və amerikalılar burada uduzur.

Bundan əlavə, hər iki tərəf düşünür ki, Baydenin gəlişi ilə Ağ Ev - Kreml münasibətlər daha da kəskinləşəcək. Hərçənd Rusiya və ABŞ münasibətlərinin daha acınacaqlı olmasını hesaba qatmırlar. Məlum olduğu kimi, iki supergücün qarşı-qarşıya gəlmədiyi sahə qalmayıb”, - deyə bildirilib.