Federal Təhqiqatlar Bürosu (FTX) hesab edir ki, yaxın günlərdə ABŞ-ın bütün ştatlarında silahlı aksiyaların keçirilməsi planlaşdırılır.

Axar.az xəbər verir ki, bu barədə ABC məlumat yayıb.

Sənədlərə əsasən, müəyyən edilmiş silahlı qruplaşma 16 yanvar tarixində ABŞ paytaxtına doğru hərəkət edəcək:

“Onlar xəbərdarlıq etdilər ki, əgər Konqres Konstitusiyaya 25-ci düzəliş yolu ilə prezidenti vəzifədən kənarlaşdırmağa cəhd etsə, o zaman güclü qarşıdurma yaşanacaq”.

Bildirilib ki, aksiyalar 16-20 yanvar tarixlərində ölkənin 50 ştatının qanunverici orqanlarında keçiriləcək. Vaşinqtonda, daha dəqiq desək, Kapitolidə isə 17-20 yanvarda belə aksiyaların baş tutması gözlənilir.

Aksiyaların təşkilatçıları tərəfdarlarına çağırışında Donald Trampın inaqurasiyaya qədər (20 yanvar) öz vəzifəsindən kənarlaşdırılacağı təqdirdə məhkəmələri və administrativ binaları zəbt etməyə səsləyib.