“Döyçe Bank” Donald Tramp və onun şirkəti ilə biznes əlaqəsindən imtina edib.

Axar.az xəbər verir ki, bu barədə “Nyu York Tayms” qəzeti məlumat yayıb.

Məlumata görə, Tramp hazırda banka 300 milyon dollar borcludur.

Tramp ailəsinin başqa bir köhnə maliyyə tərəfdaşı “Signature Bank” da münasibətlərini onunla bitirmək istəyir. “Signature Bank” bəyanat yayaraq Trampı ölkənin və Amerika xalqının maraqları naminə prezidentlik postundan əl çəkməyə çağırıb.

Bank bir vaxtlar Trampın Floridadakı qolf meydançasının inşasını maliyyələşdirmişdi. Trampın qızı İvanka isə bir müddət bankın rəhbərliyində təmsil olunmuşdu.