Fevral ayında ABŞ-ın yeni Prezidenti Co Bayden NATO zirvəsində iştirak edəcək. Bu zirvə görüşündə AB liderləri ilə Türkiyə barədə qərarların verilməsi müzakirə ediləcək.

Axar.az xəbər verir ki, bunu Türkiyə-Yunanıstan danışıqları barədə danışarkən türkiyəli ehtiyatda olan admiral Mustafa Özbəy bildirib.

Özbəy qeyd edib ki, Türkiyə ilə Yunanıstan arasındakı görüşlərdən hər hansı nəticə gözlənilmir:

"Türkiyə NATO Zirvəsi öncəsi Yunanıstanla danışıqlar apardığını göstərir və "problemləri həll edirik" mesajını verir. Müzakirələrdən bir nəticə olacağını düşünmürəm, əslində Yunanıstanın istədiyi görüntünü veririk".