Yanvarın 9-da İndoneziyada naməlum şəraitdə qəzaya uğrayaraq Yava dənizinə düşən təyyarənin tapılan qara qutularından biri nümayiş etdirilib.

Axar.az xəbər verir ki, qara qutunu ölkənin nəqliyyat naziri Budi Karya Sumadi yanvarın 12-də təşkil edilən mətbuat konfransında göstərib.

“Ümid edirik ki, axtarışa cəlb edilən qurumların birgə əməkdaşlığı pilotların kabinəsində yerləşən digər qara qutunu (CVR), həmçinin sərnişinlərin cəsədlərini və təyyarənin digər hissələrini tapmağa kömək edəcək”, - Sumadi bildirib.

Qeyd edək ki, təyyarənin qara qutularından hətta ikisinin tapıldığı barədə 10 yanvarda məlumat yayılmışdı.