İran özünün ilk hərbi nəqliyyat təyyarəsini yaradacaq.

Axar.az xəbər verir ki, bu məlumatı İran mətbuatı yayıb.

Yeni təyyarənin istehsalı dayandırılmış Ukraynanın AN-140 təyyarəsi əsasında yaradılacağı bildirilib.

Qeyd edək ki, AN-140-ın istehsalı 2017-ci ildə dayandırılıb. Ümumilikdə 36 AN-140 təyyarəsi istehsal edilib ki, onun da 5-i İran Hərbi Hava Qüvvələrinə İra-140 adı ilə verilib.

İran ordusunun hazırda əsas nəqliyyat təyyarələri olan Fokker-27 artıq sıradan çıxır. Belə ki, ordunun arsenalında olan 19 hərbi nəqliyyat təyyarəsindən yalnız 7-si hazırda istismar edilir, yerdə qalanlar isə detal yoxluğu və ya təmiri üçün maliyyə olmamasından istifadə edilmir.