ABŞ-ın yeni seçilmiş prezidenti Co Bayden Dövlət Departamentindəki bəzi vəzifələrə yeni namizədlərin adlarını açıqlayıb.

Axar.az xəbər verir ki, Bayden əsasən ABŞ-ın sabiq prezidenti Barak Obama dövründə vəzifədə olan bəzi diplomatları ətrafına toplamağa çalışır.

O, dövlət katibinin müavini vəzifəsinə hazırda Harvard Universitetində dərs deyən Vendi Şermanı, siyasi məsələlər üzrə müavin vəzifəsinə isə Viktoriya Nulandı namizəd göstərib.

Qeyd edək ki, Şerman Obama hakimiyyəti vaxtı İranla aparılan nüvə danışıqlarında ABŞ-ı təmsil edən heyətin əsas simalarından idi.

Nuland isə ABŞ dövlət katibinin Avropa və Avrasiya məsələləri üzrə köməkçisi vəzifəsində çalışıb.