Rusiya Aerokosmik Qüvvələri tarixdə ilk dəfə eyni anda altı ədəd An-124-100 "Ruslan" hərbi nəqliyyat təyyarəsinin uçuşunu sınaqdan keçirib.

Axar.az xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb.

Aviasiya təlimləri Bryansk bölgəsində təşkil edilib.

Uçuşlar 4 min metrdən yüksəklikdə həyata keçirilib, marşrutun ümumi uzunluğu 600 km, orta təyyarə sürəti 500 km/saat olub.

"Ruslan" ekipajları qalxma, enmə və marşrut üzrə yağıntı, aşağı buludluluq və güclü külək kimi mürəkkəb meteoroloji şəraitlərdə uçuşlar yerinə yetirib.

“Fil gəzintisi” adlı buna bənzər təlim ABŞ Hava Qüvvələrində geniş yayılıb. Bu, minimal vaxtda mümkün qədər çox təyyarənin havaya qalxması, lazım olan vəziyyətdə kütləvi uçuşların hazırlanması üçün nəzərdə tutulub.