Yunanıstan Trakiyada türklərin Lozanna müqaviləsindən və çoxtərəfli razılaşmalardan irəli gələn hüquqlarını israrla pozur. Hələ də Afina Avropa İnsan Hüquqları Məhkəməsinin qərarlarını icra etmir.

Axar.az xəbər verir ki, bunu Türkiyə Xarici İşlər Nazirliyinin rəsmisi Hami Aksoy Yunanıstan xarici işlər naziri Nikos Dendiasın Trakiyadakı azsaylı türklərə qarşı qərəzli açıqlamasına münasibət bildirərkən deyib.

"Türkiyə pravoslav vətəndaşlarının tələbləri əsasında Gökçəadada yalnız 4 yunan şagird üçün məktəb açarkən, Yunanıstan Qərbi Trakiyadakı azsaylı vətəndaşlarının məktəblərini bağlamağa davam edir. Son 25 ildə Yunanıstan sözügedən məktəblərin sayını 231-dən 115-ə endirib", - Aksoy qeyd edib.