Ana səhifə Planet |
ABŞ-da Pentaqonun yeni rəhbəri seçilən Llyod Ostin Yaxın Şərqi yaxından tanıyır və PKK/YPG terror təşkilatlarını silahlandırmaqla məşhur olub.
Axar.az xəbər verir ki, bu barədə “BBC Türkçe” məlumat yayıb.
Nəşr yazır ki, Ostin 2010-2011-ci illərdə İraqdakı ABŞ qüvvələrinə rəhbərlik edib:
“O, bu dövr ərzində ABŞ-ın İraqdakı qoşunlarının geri çəkilməsində, eyni zamanda İraq ordusuna yardımların verilməsi və təlim keçirilməsini nəzərdə tutan yeni dövrə keçid fəaliyyətlərində mühüm rol oynadı.
Bundan başqa, Suriyada İŞİD-lə mübarizə iddiası ilə terror təşkilatı PKK-PYD-YPG üzvlərinin silahlandırılmasında liderlik edib. Ostin bölgədə aparılan hava əməliyyatlarını da idarə edən şəxs olub. O dövrdə verdiyi açıqlamada koalisiya qüvvələrinin hava əməliyyatı zamanı yüzlərlə İŞİD terrorçusunu öldürüldüyünü və PKK-PYD-YPG-nin itirdiyi ərazilərin geri qaytarılmasına köməklik göstərdiklərini bildirib.
Bundan başqa, Ostin ABŞ-ın YPG-yə dəstək verdiyini qəbul edən ilk rəsmilərdən olub. Pentaqon rəhbəri ABŞ-ın xüsusi təyinatlılarının YPG ilə təmasda olduğunu, onlara məsləhət və yardım göstərdiyini də deyib”.
Tarix
2021.01.23 / 19:32
|
Müəllif
Samir Soltanov
|