Pentaqonun yeni rəhbəri Lloyd Ostin ABŞ-ın Çinin də iddia etdiyi mübahisəli Senkaku adalarını müdafiə etməyə hazır olduğunu bildirib.

Axar.az xəbər verir ki, bu barədə L.Ostin Yaponiyanın müdafiə naziri Nobuo Kişi ilə telefon danışığı zamanı deyib.

ABŞ-ın müdafiə naziri iki ölkə arasında təhlükəsizlik barədə imzalanmış müqavilənin beşinci maddəsinin Senkaku adalarına aid olduğunu xatırladıb. Həmin maddə istənilən ölkə tərəfindən edilə biləcək hücum zamanı bu adaların ABŞ və Yaponiya tərəfindən birlikdə müdafiəsini nəzərdə tutur.

“ABŞ Şərqi Çin dənizində status-kvonun birtərəfli qaydada dəyişdirilməsinin əleyhinədir”, - deyə L.Ostin bildirib.