ABŞ Hərbi Hava Qüvvələri B-21 Raider strateji bombardmançı təyyarələrini hazırlayacaq.

Axar.az xəbər verir ki, bu məlumatı “Popular Mechanics” portalı yayıb.

Məlumata görə, bu, dünyanın ən güclü təyyarəsi ola bilər.

Hazırda Kaliforniyada iki bu tip bombardmançının üzərində iş getdiyi qeyd edilib. Onların ilk uçuşu 2022-ci ilə planlaşdırılıb.

Bu təyyarələrin cari onilliyin sonunda B-1B Lancer və B-2 Spirit strateji bombardmançılarını əvəz edəcəyi ehtimal edilir.

ABŞ Hərbi Hava Qüvvələri üçün 100 ədəd B-21 Raider təyyarəsinin hazırlanmasının planlaşdırıldığı və buna 80 milyard dollar xərclənəcəyi vurğulanıb.