ABŞ-da 150-dən çox tanınmış sima Prezident Co Baydenə müraciət ünvanlayıb.

Axar.az xəbər verir ki, aktyor Leonardo Di Kaprio və “Amazon”un qurucusu Ceff Bezos kimi tanınmışlar, eləcə də digər ulduzlar və iş adamları Ağ Evin yeni rəhbərini iqlim dəyişikliyi ilə bağlı tədbir görməyə çağırıblar.

Onlar Baydenə ekoloji cəhətdən daha təmiz enerjiyə keçidi təmin etməyi təklif ediblər.

Qeyd edək ki, andiçmə mərasimindən dərhal sonra Bayden Donald Trampın bəzi qərarlarını ləğv edib və Paris İqlim Razılaşmasına qayıtmaq haqqında fərman imzalayıb.

Tramp isə qlobal istiləşmə problemini mif adlandırırdı.