Rusiya Avropa Şurası Parlament Assambleyasının (AŞPA) məruzəçilərini qəbul etməyə hazırdır, lakin tematik monitorinqə keçməyi təklif edir.

Axar.az xəbər verir ki, bu açıqlama ilə Rusiya Dövlət Dumasının Beynəlxalq məsələlər komitəsinin sədri Leonid Slutski çıxış edib.

L.Slutski qeyd edib ki, iki nəfərdən ibarət mointorinq qrupu da Rusiyaya dəvət edilib:

"Hər iki məruzəçi dəvəti qəbul etdi, ancaq pandemiya səbəbindən gələ bilmədi. Onları hər an Rusiyada qəbul etməyə hazırıq".

Monitorinq aparan ölkələrin ayrıseçkiliyə yol verdiyini deyən komitə rəhbəri 24 ildir Rusiyaya izləmə proseduru tətbiq olunduğunu vuğulayıb.