ABŞ Senatı Canet Yellenin maliyyə naziri təyin edilməsini təsdiqləyib.

Axar.az xəbər verir ki, bu məlumatı “Qardian” qəzeti yayıb.

Yellen nazir vəzifəsində əsas işinin COVİD-19-un nəticələri ilə mübarizə olacağını bildirib:

“Biz gərək elə edək ki, Amerikadakı insanlar aclıq çəkməsinlər. Onlar evlərini itirib, küçələrə atılmasınlar”.

Qeyd edək ki, Yellen bundan öncə ABŞ prezidentinin İqtisadi Məsləhətlər Şurasına, eləcə də Federal Ehtiyatlar Sisteminə rəhbərlik edib. O, Amerika tarixində maliyyə naziri təyin olunan ilk qadındır.