İrəvan ümumi yurisdiksiya məhkəməsi keçmiş maliyyə naziri Qagik Xaçatryan ailəsinin Ermənistan Baş naziri Nikol Paşinyan və onun mətbuat katibi Mane Gevorqyana qarşı qaldırdığı mülki iddia barədə qərarı açıqlayıb.

Axar.az xəbər verir ki, qərara əsasən, Nikol Paşinyan şərəf və ləyaqətini təhqir etdiyi üçün keçmiş maliyyə naziri Qagik Xaçatryanın ailəsindən üzr istəməli, həmçinin böhtan xarakterli məlumatları təkzib etməlidir.

“5 gün ərzində Gevrokyanın Feysbuk səhifəsində Nikol Paşinyanın adından üzrxahlıq yayılmalı və Qagik Xaçatryanın və oğullarının korrupsiyalaşmış mafiya sistemi tərəfindən idarə olunması barədə iddialar təkzib olunmalıdır”, - qərarda qeyd olunub.

Qeyd edək ki, 2020-ci ilin aprelində Mane Gevorqyan Feysbuk səhifəsində Qagik Xaçatryanın və oğullarının korrupsiyalaşmış bir mafiya sistemi tərəfindən idarə olunması barədə yazı paylaşmışdı.