Avropa Birliyi üçüncü ölkələrə humanitar yardım göstərilməsi ilə bağlı büdcəsini 60% artıracaq və 2021-ci ildə bu ehtiyaclar üçün 1,4 milyard avro ayıracaq.

Axar.az xəbər verir ki, bu barədə Avropa Komissiyasının bəyanatında qeyd olunub.

“Pandemiya fonunda qlobal humanitar ehtiyacların artdığını görürük. AB dünyanın ən böyük humanitar yardım donorudur və 2021-ci ildə bu ehtiyaclar üçün büdcəsini 60 faiz artıraraq, 1.4 milyard avroya çatdırmaq niyyətindədir”, - məlumatda qeyd olunub.

Yardımın 505 milyonu Afrika, 385 milyonu Yaxın Şərq və Türkiyəyə (əsasən Suriyadan olan qaçqınlar) ayrılıb. Ukrayna, Qərbi Balkanlar və Qafqaz ölkələri üçün isə 28 milyon avro nəzərdə tutulub.