“Amazon” platformasının qurucusu Ceff Bezos şəxsi həyatı haqqında məlumatların sızması ilə əlaqədar sevgilisinin qardaşı Maykl Sançezdən 1,7 milyon ABŞ dollarlıq kompensasiya tələb edir.

Axar.az xəbər verir ki, bu barədə “Blumberq” agentliyi məlumat yayıb.

Sançezin vəkili Tom Uorren milyarderin tələbini “ədəbsiz və hətta absurd” adlandırıb.

Qeyd edək ki, “Neşnal İnkuayer” nəşrinin dərc etdiyi məlumata görə, Amazon sahibi bu zaman 49 yaşlı teleaparıcı Loren Sançezlə romantik münasibət yaşayıb. Qəzet həmçinin onların şəxsi yazışmasını yayımlayıb. Qalmaqaldan sonra Bezos şəxsi həyatı haqqında məlumatların sızmasını araşdırmaq üçün xüsusi detektivləri işə salaraq, sevgilisinin qardaşı Maykl Sançezin 200 min dollar alıb, fərdi yazışmaları mətbuata təqdim etdiyini aşkarlayıb.