Afrikanın Burundi ölkəsində apreldən başlayan nümayişlər nəticəsində ölənlərin sayı 44 nəfərə çatıb.

Axar.az xəbər verir ki, hazırkı prezident Pierre Nkurunzizanın üçüncü dəfə namizədliyini irəli sürməsi etirazlara səbəb olub. Növbəti aksiyalar zamanı daha iki nəfər həyatını itirib.

Güc strukturlarının paytaxt Bujumburanın Cibtoke məhəlləsində etirazçılara atəş açması nəticəsində ölənlər olub. Ölkənin müxtəlif yerlərində isə nümayişlər davam edir. Hadisələr zamanı 500 nəfərdən çox yaralanan var.
Burundi seçkilərə iyunun 26-da gedəcək.

Qeyd edək ki, 1994-cü ildə Ruanda ilə bərabər xutu-tutsi genosidinə səhnə olmuş Burundidə ilk dəfə seçkilər 2011-ci ildə keçirilib. O vaxtadək prezidenti parlament təyin edib. Bir sözlə, xalq ilk dəfəydi səs verirdi. Rəsmi nəticələrə görə, seçkiləri udan köhnə prezident səslərin 91,62%-ni qazanmışdı. Ölkədə böyük əksəriyyətin tam savadsız olmasını, yəni oxuya və yaza bilməməsini nəzərə alaraq unikal bir qayda tətbiq edilmişdi. Kim namizəd olan prezident Nkurunzizaya səs vermək istəyirdisə, öz bülletenlərini ağ zərfə qoyub ağ qutuya atırdı. Kim əleyhinəydisə, onlar üçün qara qutulara atmaq üçün qara zərflər ayrılmışdı.