İsveç, Polşa və Almaniya diplomatlarının Rusiyadan qovulması barədə qərar ölkənin qanunlarının açıq şəkildə pozulması ilə əlaqədardır.

Axar.az xəbər verir ki, bu açıqlama ilə Rusiya Dövlət Dumasının Beynəlxalq məsələlər komitəsinin sədri Leonid Slutski çıxış edib.

"Moskvada qanunsuz aksiyalarda iştirak edən xarici diplomatların qovulması beynəlxalq hüququn və Rusiya qanunvericiliyinin açıq və nümayişkaranə şəkildə pozulmasına cavab olaraq zəruri bir tədbirdir", - Slutski vurğulayıb.

Qeyd edək ki, ötən gün 3 ölkənin diplomatı Rusiya XİN-ə çağrılaraq, arzuolunmaz şəxslər elan ediliblər. Onların qısa müddətdə Rusiyadan çıxarılacağı gözlənilir.