"Biz müstəqil Fələstin dövlətinin yaradılmasına razıyıq".

Axar.az xəbər verir ki, bu sözləri İsrailin Baş naziri Benyamin Netanyahu Almaniya Xarici İşlər naziri Frank Valter Ştaynmayerlə görüşü zamanı söyləyib.

Onun sözlərinə görə, bölgədə yaranacaq sülhün əsas yolu iki xalq üçün iki dövlətin yaradılmasıdır. Netanyahu bunun üçün ilk növbədə İsrailin müstəqilliyinin tanınmasının vacib olduğunu deyib.

Qeyd edək ki, bundan öncə Fələstin Baş naziri Rami Hamdalla fələstinlilərin 1967-ci il sərhədləri əsasında özlərinə dövlət qurmağa çalışacaqlarını bildirmişdi.