Ermənistanda may ayı ərzində dördüncü dəfə yanacaqdoldurma məntiqisində partlayış baş verib.

AzVision.az erməni KİV-nə istinadən xəbər verir ki, bu dəfə hadisə Kotiyk vilayətinin Çarençavan şəhərində baş verib.

Belə ki, yanacaq dolduran zaman "VAZ – 2101" markalı avtomobildə qaz balonu partlayıb. Partlayış nəticəsində yanacaqdoldurma məntəqəsinin 55 yaşlı işçisi hadisə yerində ölüb. 29 yaşlı avtomobil sürücüsü isə xəstəxanaya çatdırılıb. Müayinədən sonra o evə buraxılıb.

Qeyd edək ki, bu Ermənistanda may ərzində baş verən dördüncü analoji haldır. Daha əvvəl partlayış İrəvanda baş vermişdi. Bu vaxt qaz stansiyasının damına ziyan dəymişdi. İkinci hal isə mayın 14-ü baş Qarni şəhərində vermişdi. Hadisə nəticəsində qaz stansiyasının əməkdaşı ölmüşdü. Daha bir hal isə Armavir vilayətinin Zvartnos kəndində qeydə alınıb. Bu partlayış nəticəsində ən azı 3 nəfər yaralanıb.