Rusiyanın Sənaye və Ticarət naziri Denis Manturov yerli silahların başqa ölkələrə tədarükündən danışıb.

Axar.az xəbər verir ki, bu barədə RT məlumat yayıb.

O bildirib ki, Rusiya bu məsələdə öz tərəfdaşları ilə açıq dialoq aparır:

"Hər zaman maksimal açıq mövqe tutmuşuq ki, həmkarlarımız həm öz texnikalarının istifadə edilməsində, həm də sonrakı xidmət və modernləşmə cəhətdən özlərini məhdudlaşdırılmış hiss etməsinlər".

Manturov əlavə edib ki, bu, tədarükün həyata keçirilməsində "qızıl qayda"dır.

Nazir Rusiyanın silah tətbiqində alıcılara hər hansı məhdudiyyət qoymadığını da deyib.

Qeyd edək ki, Rusiya ilə Pakistan HHM sistemləri və silah tədarükü ilə bağlı müqavilə imzalayıb.