"Putinin hakimiyyətdən getməsi heç nəyi dəyişməyəcək".

Axar.az xəbər verir ki, bu iddia ilə "Faynənşl Tayms" qəzeti çıxış edib.

Qəzetin yazdığına görə, yeni rəhbər də Rusiyanın əvvəlki kursunu davam etdirəcək:

"Rusiya problemi Qərb üçün yeni bir şey deyil. O, 200 il bundan öncə formalaşıb. 19-cu əsrdə Avropa dövlətləri liberal demokratiyaya tərəf addımlayanda Rusiyada hələ avtoritar rejim qalırdı. Zamanla formalaşan bu gücə qarşı Almaniyanın mübarizəsinə Böyük Britaniya, ABŞ, Çin və Yaponiya da qoşuldu. Bunun nəticəsində Rusiya özünün təhlükəsizlik zonasından təcrid edildi. Hazırda Moskva bu tip savaşın Ukraynada aparıldığını iddia edir. Rusiya həmişə Avropada bir gücün dominant olmasının əleyhinə çıxış edib. Ona görə də Rusiya vahid Avropa ideyasını qəbul etmir. Rusiyanın potensialı onun Böyük Britaniya, Fransa və Almaniya ilə eyni çəkidə olmasına imkan verir, amma Kreml heç vaxt vahid Avropa ilə bir ola bilməz".