Soçidə Rusiya və Belarus prezidentləri Vladimir Putin ilə Aleksandr Lukaşenko arasında görüş başlayıb.

Axar.az xəbər verir ki, bu barədə BELTA agentliyi məlumat yayıb.

“Liderlərin Belarus-Rusiya münasibətlərinin inkişafı, hərbi təhlükəsizlik sahəsində də daxil olmaqla, ortaya çıxan çağırışlara birgə cavab vermə, inteqrasiya strukturlarında qarşılıqlı fəaliyyətlə bağlı geniş mövzuları ətraflı müzakirə edəcəyi planlaşdırılır”, - məlumatda bildirilib.

Daha sonra rəsmi Kreml Belarus və Rusiya liderlərinin Soçidə 22 fevral tarixində keçiriləcək danışıqlar çərçivəsində ikitərəfli gündəliyin əsas məsələlərini və strateji tərəfdaşlığın inkişafını müzakirə etməyi planlaşdırdıqlarını qeyd edib.