Avropa Birliyinin Rusiyaya qarşı yeni sanksiyaları münasibətlərin deqradasiyası istiqamətində bir addım olacaq və cavabsız qalmayacaq.

Axar.az xəbər verir ki, bu açıqlama ilə Rusiya Dövlət Dumasının Beynəlxalq məsələlər komitəsinin sədri Leonid Slutski çıxış edib.

Slutski vurğulayıb ki, AB-nin sanksiyaları heç bir şəkildə əlaqələrin normallaşmasına kömək edə bilməyəcək:

"Brüssel Moskva ilə əməkdaşlığı çıxılmaz vəziyyətə salır. Çıxış yolu yalnız bu siyasətdən imtina etdiyi təqdirdə ola bilər".

Qeyd edək ki, AB ölkələri Navalnının həbsi ilə bağlı Rusiyaya yeni sanksiyalar tətbiq edilməsi barədə qərar verib.