Rusiya Xarici İşlər naziri Sergey Lavrov avropalı rəsmilərin qara siyahıya salınmasına münasibət bildirib.

Axar.az xəbər verir ki, italiyalı həmkarı Paolo Centiloni ilə görüşdən sonra jurnalistlərin suallarını cavablandıran Lavrov Ukrayna inqilabına dəstək verənlərn bu siyahıya daxil olduğunu xatırladıb:

"Kiyevdə reallaşan inqilabdan sonra Ukraynada yaşayan ruslar ayrı-seçkiliyə məruz qalıb. Avropa Birliyi Rusiya rəsmilərini qara siyahıya salanda bunu haqlı qərar olduğunu açıqlamışdı. İndi bizim addımımıza reaksiya göstərmələri qəribədir".

Centiloni isə öz növbəsində Rusiya-AB əlaqələrinin Ukrayna böhranı səbəbindən dondurulmasının vacib olduğunu deyib. İtalyan nazirin fikrincə, yaşanan gərginlik iqtisadi münasibətlərin tamamilə korlanmasına səbəb olub.