Son günlərdə Suriyada kürd və türkman bölgələrinə hücumlarını artıran İŞİD qərbə doğru irəliləməkdə davam edir.

Axar.az xəbər verir ki, təşkilat Aralıq dənizinə çatmaq məqsədi ilə Türkiyəyə yaxın bəzi bölgələri də ələ keçirib. İrəliləyişini hər gün davam etdirən təşkilatın məqsədə çatmasına 150 kilometr qalıb.

"Milliyət"in məlumatına görə, Suriyanın şimalında irəliləyən terrorçular Türkiyənin Öncüpınar sərhəd məntəqəsinin bir addımlığındadır. Qarşıdurmalardan qaçan minlərlə suriyalının Türkiyə sərhədinə çatdığı bildirilir.

İŞİD-in bu zəfərləri nəticəsində Hələb şəhərinə çatacağı, Türkiyəyə yeni bir köç dalğasının başlayacağı təxmin edilir. Ən son məlumata görə, qarşıdurmaların şiddətli olduğu bölgələrdən 500-ə yaxın suriyalı Şanlıurfa mahalına sığınıb.