Kiyev Minsk razılaşmasının öhdəliklərini icra etməsə və geopolitik avatürizmi dayandırmasa, Donbası itirəcək.

Axar.az xəbər verir ki, bu sözləri Rusiyanın BMT-dəki səfirinin birinci müavini Dmitri Polyanski deyib.

Polyanski bildirib ki, Kiyev rəsmiləri Qərb dövlətlərinin dəstəyi ilə Ukraynanın Minsk razılaşmasının öhdəliklərini yerinə yetirdiyini, lakin Moskvanın razılaşmaya əməl etmədiyini bildirirlər:

“Kiyevin və Qərb partnyorlarının düşünülməmiş oyunları Ukrayna üçün olduqca mənfi nəticələrə gətirib çıxara bilər”.

Polyanski xatırladıb ki, Minsk razılaşmasının yekun həlli Donbasın Ukraynanın tərkibinə qaytarılmasından ibarətdir.